Հունաստան

Մեր մասին - Հանգիստ Հունաստանում

«HUNASTAN.AM» տուրիստական ընկերությունը զբաղվում է արտագնա տուրիզմով և մասնագիտացված է Հունաստանի ուղղությամբ տուրերի կազմակերպմամբ:

Առաջարկում ենք դեպի Հունաստան ամբողջական փաթեթներ, ավիատոմսեր Երևանից, Թբիլիսիից, ճանապարհորդական ապահովագրություն, դիմավորում / ճանապարհում, ավտովարձույթ, էքսկուրսիաների և կրուիզների կազմակերպում, խորհրդատվություն և տեղեկատվական աջակցություն:

Կազմակերպում ենք նաև «մուշտակների տուրեր». համատեղում ենք հանգիստը օգտակար և արդյունավետ գնումների հետ` զբոսաշրջիկի օրը վերածելով իսկական տոնի: ՈՒՇԱԴՐՈՒԹՅՈՒՆ. Հայաստանում մեր ընկերությունն է տրամադրում Աթենքում մուշտակների գնման զեղջի կտրոններ: Ցանկության դեպքում առաջարկում ենք մուշտակների գիտակի ծառայություններ:

Ընկերությունում աշխատում են փորձառու մենեջերներ, որոնք բազմիցս եղել են Հունաստանում և կարող են զբոսաշրջիկին ներկայացնել ամենաշահավետ առաջարկները: Սպասարկում ենք բարեհամբյուր` յուրաքանչյուրին ցուցաբերելով անհատական մոտեցում:

Ունենք հուսալի գործընկերներ Հունաստանում՝ Աթենքում, Ռոդոսում, Սանտորինիում, Կրետեում և այլուր, որոնք մեր զբոսաշրջիկի հետ շարունակում են աշխատել արդեն տեղում` մատուցելով համապատասխան ծառայություններ: Աթենքում ունենք հայալեզու գիդեր:

 

Օգտակար խորհուրդներ Հունաստան մեկնողներին

Հանգիստ Հունաստանում    Hunastan hangist , Hunastani masin

1. Եթե որոշել եք մեկնել Հունաստան հանգստի լողափնյա թեժ սեզոնին, ապա հյուրանոցը ամրագրեք նախապես: Պիկային ամսաթվերին լավ հյուրանոցներ հնարավոր է չմնան: Սա վերաբերվում է հատկապես Քորֆուին:

2. Հունաստանում խորհուրդ չի տրվում ջուր խմել ծորակից: Ավելի լավ է գնել շշով հանքային ջուր:

3. Քանի որ Հունաստանը հարավային երկիր է, այստեղ լավ զարգացած է գինեգործությունը: Գինի ընտրելիս հիշեք, որ հունական գինին բաժանվում է չորս խմբի: Հունաստանի ամենահին և հանրահայտ գինին ռեցինան է: Ընդհանուր առմամբ, դա ոչ թե գինի է, այլ վարդագույն կամ սպիտակ գույնի ալկոհոլային ըմպելիք 11,5 աստիճան թնդությամբ, որի գլխավոր առանձնահատկությունը խեժի համն է: Ռեցինան ըմպում են թեթև խորտիկների հետ:

4. Ընդհանուր հաշվով Հունաստանը անվտանգ երկիր է: Սակայն, օրինակ Աթենքում, ինչպես և մյուս խոշոր քաղաքներում, կան գրպանահատներ: Նրանք հատկապես շատ են զբոսաշրջային երթուղիների մոտակայքում: Այդ պատճառով որոշակի քայլեր ձեռնարկեք. խոշոր գումարներ մի վերցրեք, դրամապանակը տաբատի հետևի գրպանում մի պահեք, մի կրեք կանացի պայուսակ ճանապարհով քայլելիս:

5. Զգույշ եղեք կրեդիտ քարտերով մուծումներ անելիս: Հատկապես եթե դուք ուղևորվել եք էքսկուրսիայի, խմբի հետ մտել եք խանութ և որոշել եք ինչ-որ բան գնել կրեդիտ քարտով: Երբեմն խանութի սեփականատերերը, տեսնելով, որ դուք շուտով մեկնելու եք երկրից և չեք բնակվում հարևան հյուրանոցում, քարտից հանում են հավելյալ գումար: Դրա համար ուշադիր եղեք և վճարման հաստատման համար հաղորդագրություն ստանալու ծառայությունը նախապես ակտիվացրեք:

6. Եթե դուք պատրաստվում եք մեկնել հանգստանալու 2-16 տարեկան երեխայի հետ, ապա նկատի ունեցեք, որ հունական շատ հյուրանոցներում երեխայի տեղակայումն անվճար է, եթե նրանք մեկ սենյակում են ծնողների հետ:

7. Եթե ընտանեկան հանգստի համար պատվիրել եք ապարտամենտ Հունաստանում ( hunastan hotel ), ապա նկատի առեք, որ նման հյուրանոցներում սպասուհիներն աշխատում են շաբաթը հինգ օր: Շաբաթ և կիրակի օրերին ոչ ոք ձեր համարը չի մաքրի և աղբը դուրս չի տանի:

8. Յուրաքանչյուր ամսվա առաջին կիրակի օրը թանգարանների մուտքն ազատ է: Բացառություն է կազմում հուլիսը, օգոստոսը և սեպտեմբերը. եթե հնէաբան եք, ճարտարապետ, նկարիչ կամ համալսարանի դասախոս, ապա դուք կարող եք օգտվել անվճար մուտքից:
Ուսանողական տոմսի առկայության դեպքում թանգարանները մուտքի համար տրամադրում են 50 տոկոս զեղչ:

9. Ի նկատի ունեցեք, որ պատմական բոլոր հուշարձանների տարածքում և թանգարաններում լուսանկարումն ու տեսանկարահանումը թույլատրվում է լրացուցիչ տոմսի առկայությամբ:

10. Հնէաբանական աշխատանքների շրջաններ այցելեք առավոտյան ժամերին, այդժամ այնտեղ շատ մարդաշատ չէ:

11. Հունաստանում, ինչպես հայտնի է, կա ամեն ինչ: Այդ թվում նաև դրես-կոդ: Եկեղեցի մտնելիս պարտադիր է հագնել փակ ուսերով զգեստներ: Արգելվում է եկեղեցի մտնել շորտերով և կարճ շրջազգեստներով:

12. Հունաստանում ( Hunastanum ) բժշկական ծառայությունը վճարովի է: Հունաստանի վիզա ստանալու համար բժշկական ապահովագրությունը պարտադիր է: Որոշ հյուրանոցներ ունեն բուժկետներ, մնացած հյուրանոցներում պետք է դիմել ընդունարան, նրանք բժիշկ կկանչեն հավելյալ գումարի դիմաց: Իդեպ, բժիշկներից շատերը սովորել են արտասահմանում և խոսում են անգլերեն:

13. Եթե ձեզ դեղորայք անհրաժեշտ լինի, ապա Հունաստանում դեղատները կարելի է գտնել հատուկ նշանի օգնությամբ՝ կարմիր կամ կանաչ խաչ սպիտակի վրա: Շաբաթ, կիրակի օրերին, ինչպես նաև տոներին բաց են միայն հերթապահ դեղատները, որոնք աշխատում են շուրջօրյա:
Ավելի պահանջված դեղերը կարելի է գնել փողոցային կրպակներում, որոնք աշխատում են մինչև ուշ երեկո:

14. Կրպակներում վաճառում են նաև սիգարետներ, շոկոլադ, զովացուցիչ ըմպելիքներ և թերթեր:

15. Երկրում բոլոր խանութները բաց են երկուշաբթիից ուրբաթ օրերին 10.00-20.00-ին, ընդմիջման ժամերն են 13.00-17.00-ը: Խոշոր սուպերմարկետները և զբոսաշրջային խանութները աշխատում են առանց ընդմիջումների և ամեն օր:

16. Սեպտեմբեր, հոկտեմբեր, հունվար, փետրվար, ապրիլ, մայիս ամիսներին հունական խանութներում կազմակերպվում են զեղչեր:

17. Ամռանը, ինչպես հարավային շատ երկրներում, այնպես էլ Հունաստանում հանգստի` սիեստայի ժամը 14.00-ից 17.00-ն է:

18. Հենց այդ ժամանակ հույնին տուն զանգել ընդունված չէ: Ընդունված չէ զանգել նաև 22.00-ից հետո, եթե նախապես պայմանավորվածություն չկա:

19. Հույների հետ շփվելիս հաշվի առեք տեղի բնակիչների սովորությունները: Այսպես. հույները ոչ այնքան ճշտապահ են, և կես ժամ ուշացումը խնդիր չէ:

20. Եթե հույները ձեզ ասում են "ավրիո", ինչը նշանակում է վաղը, դա ամենևին չի նշանակում, որ հույնը հենց այդ օրը կանի այն, ինչ դուք խնդրել եք: Դա մեծ հաշվով նշանակում է անորոշ ապագա: Դա հիմնականում մերժման քաղաքավարի տարբերակ է: Հույներն ավելին են խոստանում, քան կարող են անել: Նրանք այդպիսին են: Չնայած դա անում են իրենց պարզության պատճառով:

21. Ընդհանուր առմամբ հույներն աշխարհի ամենահյուրընկալ և բաց ազգերից են: Փողոցում կարելի է դիմել յուրաքանչյուրին, նույնիսկ երեխաներին: Տղամարդկանց պետք է ասել "կիրիե", կանանց՝ "կիրիյա":

22. Հույնի հետ զրույցի ժամանակ ցանկալի է նշել, որ դուք արտասահմանցի եք՝ "իմե քսենոս", և որ չեք խոսում հուներեն՝ "դեն միլո էլինիկա":

23. Հաղորդակցման հարմարավետության համար հարկ է հիշել, որ հունարենում "նե"-ն նշանակում է այո, իսկ "օհի"-ն՝ ոչ: Բացասական պատասխան տալիս հույնը գլուխը վարից վեր է տանում:

24. Հույնին հյուր գնալիս պարտադիր չէ շքեղ նվերներ տանել: Լիովին բավական է փոքրիկ հուշանվեր կամ փոքր ծաղկեփունջ: Թանկարժեք նվերները ընդունված է տալ Սուրբ Ծնունդին:

25. Հրավերքով հույնին հյուր գնալիս մի հուսացեք, որ ձեզ ճաշ կամ ընթրիք կհյուրասիրեն: Դա կլինի միայն նախապես պայմանավորվելու դեպքում: Այլապես ձեզ կհյուրասիրեն սուրճ կամ գինի:

26. Նաև հիշեք, որ հունական տներում հողաթափերն ընդունված չեն և կոշիկները հանելու կարիք չկա:

27. Հույնի հետ ռեստորան գնալիս վճարում է նա, ով հրավիրել է:

28. Ռեստորաններում և սրճարաններում ընդունված է թողնել թեյավճար: Թեյավճարի չափը կախված է ձեր ցանկությունից: Թեյավճարի են սպասում նաև տաքսիստները և հյուրանոցի անձնակազմը:
Իդեպ, վճարելու համար չպետք է սպասել մատուցողին, կարելի է պարզապես գումարը թողնել հաշիվը բերած ափսեում:

29. Պանդոկներում կա մի տարածված սովորույթ. յուրաքանչյուր այցելու իրավունք ունի մտնել խոհանոց և ընտրել մթերքը: Օրինակ ձուկ, որը կպատրաստվի հաճախորդի ցանկությամբ:

30. Նկատի ունեցեք, որ հունական շատ հաստատություններում, օրինակ Կրետեում Hunastan Crete , ուտեստի չափաբաժինը շատ մեծ է: Այդ պատճառով առաջարկվում է կես չափաբաժին:

31. Նաև պետք է նկատել, որ Հունաստանի շատ ռեստորաններում սուրճ չեն մատուցում, իսկ սրճարաններում ուտեստներ չեն պատրաստում: Այլ կերպ ասած, այստեղ կա բիզնեսի հստակ բաժանում:

32. Հունաստանում վիրավորվում են, եթե դուք նորմալ չեք սնվում:

33. Յուրաքանչյուրն ինքն է ընտրում, թե ինչ խմել Հունաստանում Hunastanum: Գինիներից բացի այստեղ գոյություն ունի կոնյակների և թունդ խմիչքների մեծ ընտրություն: Դրանցից գլխավորը ուզան է: Ինչպես նշում են զբոսաշրջիկները կենաց ասելիս՝ ընկերության ուզա: Իսկ Մետաքսա կոնյակի մասին լսել են բոլորը:

34. Շոփինգի ընտրությունը Հունաստանում հարուստ է: Առանձնահատուկ են մորթե հագուստները, որոնց համար հասնում են Հունաստանի հյուսիս՝ Կաստորիա կամ Պարալին-Կատերինե: Կարելի է և անհրաժեշտ է գնել նաև այլ ապրանքներ, օրինակ կերամիկա, ասեղնագործություն և կիսաթանկարժեք քարեր:

35. Անհրաժեշտ է նաև առանձնացնել տեղի ձիթապտղի յուղը: Այն համարվում է աշխարհում լավագույնը: Մաքսատունը թույլատրում է ձիթապտղի արտահանում:

36. Հունաստանի լողափերի 99%-ը (գետային և լճային 95%-ը) համապատասխանում են ԵՄ երկրների էկոլոգիական չափանիշներին: Հունաստանը էկոլոգիապես մաքուր լողափային հանգստի սիրահարների համար է:

37. Սակայն Հունաստանում, հատկապես կղզիներում, երբեմն առկա են փոթորիկներ: Միշտ ուշադրություն դարձրեք հատուկ դրոշների վրա, որոնք ամրացված են լողափերին ( Հունաստանի լողափերը ):
Կարմիր դրոշը նշանակում է, որ լողալն արգելվում է
Դեղին դրոշը՝ զգույշ եղեք, ծովն ալեկոծ է
Կանաչ կամ սպիտակ դրոշ՝ ծովը հանգիստ է, լողալն անվտանգ է

38. Ամառը պետք է զգույշ լինել արևից, անհրաժեշտ է օգտագործել արևապաշտպան քսուքներ և առաջին օրերին խուսափել արևի անմիջական ճառագայթներից:

39. Նաև տուրի ընտրության ժամանակ հարկավոր է ուշադրություն դարձնել, որ Հունաստանի մի քանի կղզիների մի ափի ջուրն ավելի սառն է, քան մյուս ափինը: Օրինակ, Կորֆու կղզու արևմտյան ափերին ջրի ջերմաստիճանը 2-3 աստիճանով ցածր է արևելյան ափից: Հյուրանոցների մեծ մասն էլ գտնվում է հենց արևելքում: Հաշվի առեք այս փաստերը տուրեր գնելիս:

40. Ինչպես Եվրոպայի շատ երկրներում, Հունաստանում ևս բոլոր լողափերը պատկանում են պետությանը: Այդ պատճառով հովանոցները և մահճակալները վճարովի են: Հովանոցի և մահճակալի հավաքածուն արժե օրը 4 եվրո:

41. Ոչ բոլոր հյուրանոցներում են տալիս լողափային սրբիչներ: Որոշ հյուրանոցներում օդորակիչներն աշխատում են միայն հունիս-օգոստոս ամիսներին: Մինչդեռ շոգը չի լքում հյուրանոցները և սեպտեմբերին: Հաշվի առեք այս փաստերը տուրեր գնելիս:

42. Նախորդ օլիմպիական խաղերից հետո հյուրանոցային ոլորտը զգալիորեն բարելավվել է: Հյուրանոցների մոտ 90 տոկոսը վերանորոգվել են: Նրանցից լավագույնները մեծ պահանջարկ ունեն և եվրոպական շուկայում: Այդ պատճառով հյուրանոցները նախապես ամրագրեք: Լինում են դեպքեր, երբ որոշ հյուրանոցների բոլոր համարները գերմանացիները կամ անգլիացիները մայիսից գնում են ողջ սեզոնի համար:

43. Որոշ հյուրանոցներ գործում են տանդեմով, այսինքն ողջ ենթակառուցվածքը հասանելի է երկու շինությունների հյուրերին: Դա սովորաբար հարմարավետ է լինում:

44. Ամբողջությամբ նկարագրել հունական կուրորտների էքսկուրսիոն ծրագիրն անհնար է: Այն այնքան ընդլայնված է, որ չի բավականացնի և մի ամբողջ գիրքը: Միակ նրբությունը, որը կարելի է հաշվի առնել հանգստավայրն ընտրելիս այն է, որ մայրցամաքային Հունաստանը սովորաբար նախատեսվում է ընտանեկան հանգստի համար, իսկ կղզիները, ինչպես ասվում է, բոլորի համար են: Սակայն սա մոտավոր փաստ է: Օրինակ, Կրետեի Հերսոնիսոսում երեխաների հետ հարմարավետ չի լինի: Այնտեղ շատ աղմկոտ է, բայց զվարճալի:

45. Էքսկուրսիոն ծրագրի ընտրության ժամանակ հարկ է նշել, որ, օրինակ, Հարավային Հունաստանում խմբային գներով էքսկուրսիաներ տեղում գնել ոչ միշտ է հնարավոր: Այնպես որ հարկ է նախապես ամրագրել էքսկուրսիան: Մյուս կողմից ավելի շահավետ է էքսկուրսիաները գնել տեղում:

46. Մեծ պահանջարկի արդյունքում երկրում շատ հյուրանոցներ աշխատում են «ամեն ինչ ներառում է» համակարգով: Դեռևս մի քանի տարի առաջ նման ծառայություն չի տրամադրվել:

47. Հյուրանոցներում հաճախ է հանդիպում ռուսախոս անձնակազմ: Բազմաթիվ են ռուսախոս գիդերը:

48. Հունաստանում որևէ հասցե փնտրելիս ի նկատի ունեցեք, որ քաղաքի տարբեր թաղամասերում կան նույն անվանումներով փողոցներ: Այդ պատճառով հասցեն գրի առնելիս ճշտեք նաև թաղամասը: Երբեմն նույնիսկ տաքսիստները հստակ չգիտեն, թե որտեղ է գտնվում այս կամ փողոցը և տունը: Պլատանյաս անունը կրող գյուղ կա Ռետիմնո շրջանում: Նույն անունով մեկ այլ գյուղ էլ առկա է Հանյա շրջանում:

49. Հայերիս համար կարևոր հանգամանք է նաև այն, որ հույները քրիստոնյա են: Հունաստանի բնակչության 98%-ը ուղղափառ քրիստոնյա է:

50. Հունաստանում շատ են անհագ ծխողները: Նրանք ծխում են հասարակական վայրերում, այդ թվում ռեստորաններում և սրճարաններում: Ընդունված չէ ծխել միայն թանգարաններում, սուպերմարկետներում և քաղաքային տրանսպորտում: Սովորաբար հույները ծխում են առանց թույլտվություն հարցնելու: Այդ առիթով դժգոհություն հայտնելը տեղին չէ:

51. Սակայն օտար մարդկանցից չի կարելի սիգարետ խնդրել: Եթե դուք ծխում եք, ապա, ըստ հույների, պետք է ունենաք ծխախոտ:

52. Ժեստերով խոսելիս հիշեք, որ հույների համար վիրավորական է բացված ձեռքը:

53. Մի վիրավորվեք, եթե Ձեզ կանչեն "փստ" անելով: Դա վիրավորական չի համարվում:

54. Հյուրանոցային համար մտնելիս չզարմանաք, որ անկողինը չունենա ծածկոց: Հունաստանում գերադասում են օգտագործել սավաններ:

55. Հույն երեխաներին նկատողություն մի արեք հատկապես նրանց ծնողների ներկայությամբ: Նրանց դա դուր չի գա: Հասարակական վայրերում խուսափեք նաև ցուցադրել քաղաքական հայացքները: Մի ցուցադրեք նաև ձեր սպորտային հակումները, հատկապես եթե դրանք դեմ են ուղղված հունական սպորտին:

56. Որպես վերջաբան կավելացնենք, որ Հունաստանը մի երկիր է, որն այցելելիս բոլորին թվում է, որ արդեն եղել են այստեղ: Յուրաքանչյուր ոք ինքն իրեն խոստանում է կրկին վերադառնալ այստեղ: Այստեղ երկրորդ անգամ այցելողների թիվը հասնում է 90%-ի:
 

Հունաստանի քարտեզի վրա յուրաքանչյուր սեզոնին ավելանում են նորանոր տուրիստական վայրեր: Դրանց մասին տեղեկացեք մեր տուրիստական գործակալությունից:

Աթենք Atenk

Երևանից կանոնավոր ուղիղ թռիչքներ են իրականացվում դեպի Աթենք ( Երևան Աթենք ավիատոմսեր ) Էգեյան ավիաուղիներով: Թբիլիսիից ևս կանոնավոր ուղիղ չվերթեր են կատարվում դեպի Աթենք ( Թբիլիսի Աթենք ավիատոմսեր ):

Աթենքը մեծագույն քաղաքակրթությունների անտիկ բնօրրանն է և` Հունաստանի մայրաքաղաքը: Եվրոպայում Աթենքին դույզն-ինչ նման քաղաք գտնելն անհնար է:

Աթենքն իր մեջ ներառում է Հին քաղաքը, կենտրոնական թաղամասերը, արվարձանները, ինչպես նաև` Պիրեյ նավահանգիստը: Կենտրոնում բարձրանում են երկու բլուրներ՝ Ակրոպոլիսի բլուրը Պարթենոնի ու հին տաճարների հետ միասին և Լիկաբետի բլուրը (Լիկավիտոս) գեղատեսիլ Սբ. Գեորգի եկեղեցով:

Աթենքի տեսարժան գլխավոր վայրը Պարթենոնի համալիրն է` Աթենքի խորհրդանիշը: Զբոսաշրջիկների մոտ ամենահայտնի թաղամասը, իհարկե Պարթենոնից հետո, հին քաղաք Պլական է: Աթենքի կենտրոնական հատվածը իրենից ներկայացնում է եռանկյունի, որը ձևավորվում է Օմոնիա, Սինտագմա և Մոնաստիրակի հրապարակներով:

Աթենքում ճանապարհորդելը առաջին հերթին հետաքրքիր է հունական մշակույթի, պատմության, արվեստի գլուխգործոցների և հնագույն հուշարձանների հետ ծանոթացմամբ: Սակայն անծայրածիր երկնքի, տաք ծովի, հրաշագեղ ափագծի և լուսաշող արևի գերության մեջ հայտնվել ցանկացողների համար տարբերակներ միշտ կգտնվեն:
Գրավիչ Աթենքը, որի ափագիծը ձգվում է մի քանի կիլոմետր, հյուրընկալորեն դիմավորում է բոլոր ցանկացողներին: Կորինֆյան նեղուցի ափին տեղակայված են Պորտո Հերմենո և Ալկիոնիդես հիանալի լողափերը, ինչպես նաև զարմանահրաշ Կալա Նիսյան և Ալեպոհորին:
Աթենքի լողափերը կարող են լինել վճարովի և անվճար: Վճարովի յուրաքանչյուր լողափ ունի անմոռանալի հանգստի բոլոր հնարավորությունները:

Բոլոր նրանք, ովքեր ժամանել են Աթենք, կհիանան կուրորտների անհավանական բազմազանությամբ: Սարոնիկյան նեղուցի հյուսիսում գտնվում են լողափեր, որոնք գրավել են շատ հանգստացողների սրտեր՝ Կինեռռա, Պահի, Էլևսինա, Լուտրոպիրգոս: Ոչ պակաս հայտնի են Ալիմու և Ագիու Կոզմա լողափերը:
Առանձին ուշադրության է արժանի Վուլյագմենի լիճը, որը բնության ամենաիրական հրաշքն է: Այս հրաշալի լճի ջրերը համարվում են բուժիչ:

Հալկիդիկի Halkidiki

Անկասկած Հունաստանի լավագույն ուղղությունը համարվում է Հալկիդիկին: Հալկիդիկիում հանգիստը անմոռանալի է, որի մասին յուրաքանչյուր ճանապարհորդ կարող է միայն երազել: Թերակղզին լցված է պայծառությամբ և ոճով, թաղամասերի գեղատեսիլ հանգստությամբ և բնության գեղեցկությամբ:

Հալկիդիկի (Halkidiki) թերակղզին գտնվում է Էգեյան ծովի հյուսիսային հատվածում Թերմաիկոս և Սթրիմոնիկոս ծովածոցերի միջև և տարբերվում է շատ հետաքրքիր երեքատամյա տեսքով, որը ձևավորվում է երեք բարակ թերակղզի-մատներով: Դրանք են Կասանդրան, Սիտոնիյաին, Աֆոնը: Հալկիդիկին մայրցամաքային Հունաստանի գլխավոր հանգստավայրն է: Ի տարբերություն հարավային կղզիների՝ թերակղզին անգամ ամռան տապին ծածկված է կանաչով: Հանգստավայրը ընդհանուր առմամբ առաջարկում է հանդարտ և հարմարավետ հանգիստ` այդ թվում և ընտանեկան: Այստեղ առկա են բոլոր կարգերի հյուրանոցներ՝ հինգաստղանիներից մինչև էժանագին հոսթելներ:

 Հալկիդիկին հանգստավայր է, որը կարող է զբոսաշրջիկներին առաջարկել գրեթե ամեն ինչ: Այստեղ կարելի է զվարճանալ Կալիֆեի գիշերային կյանքով կամ հանգստանալ՝ լողափային հանդարտ բարերից մեկում կոկտեյլ ըմպելով: Սակայն միշտ հանգստի ընտրությունը կանգ է առնում դիլեմայի առջև՝ Կասանդրա, թե Սիտոնիա: Եթե դուք կարող եք վարձակալել ավտոմեքենա և ձեզ չեն սարսափեցնում հեռավորությունները, ապա անհրաժեշտ է այցելել երկու թերակղզիներն էլ, քանզի յուրաքանչյուրը յուրովի հետաքրքիր և յուրօրինակ է: Մի վախեցեք ինքնուրույն հետազոտել տեղանքը: Հետազոտությունը հանգստի լավագույն տարբերակն է: 
 Կասանդրայում կարելի է դիտել Ագիոս-Պավլոսի բյուզանդական աշտարակը, Նեա-Ֆոկիում` Աֆոն լեռան վանքը, Աֆիտոս հնագույն ավանդական գյուղը, Ագիա-Պարասկևիի թերմալ սպան:
 Սիտոնիայում կարելի է դիտել հնագույն Օլինֆոսի պեղումները երկրի ամենահին խճանկարներով հանդերձ, Պարֆենոն, Սիկիյա և Նիկիտի հին գյուղակները, Պորտո-Կարրասի խաղողի այգիները, Տորոնիի ավերակները և նրա հին օդանավակայան Պորտո-Կուֆոն: Զարմանալի տեսարան է իրենից ներկայացնում Աֆոն լեռը Քարթալիա քարքարոտ հրվանդանի հետ: Եվ իհարկե հայտնի Աֆոնը իր ուղղափառ 20 վանքերով և բազմաթիվ թանգարաններով՝ Հունաստանի ամենամեծ և նշանակալի վանական համալիրը:

 Զբոսաշրջիկները հաճախ անտեսում են Հալկիդիկիի հյուսիսային մասը, այն հատվածը, որը չունի ելք դեպի ծով: Սակայն իզուր. այստեղ ևս տեսնելու շատ բան կա: Օրինակ, Արնեա, Տակսիարիս, Ագիոս-Պրոդոմոս լեռնային գյուղերը, Պետրալոնի քարանձավը զարմանալի ստալակտիտների և ստալագմիտների հետ միասին, ինչպես նաև մարդկային ներկայության ամենահին հետքերը Հունաստանում, Պոլիգիրոսի Հնէաբանական թանգարանը, հնագույն Ստագիրան, որտեղ ծնվել է Արիստոտելը կամ Հոլոմոնտաս լեռան անտառը:

 Եթե ձեր հանգստի ընտրությունը Հունաստանում կանգ է առել Հալկիդիկիի վրա, ապա որտեղ էլ կանգ առնեք՝ շքեղ հյուրանոցում, բնակարանում, սովորական հոսթելում կամ շլացնող վիլլաներում, միևնույն է ձեր հանգիստը կլինի հարմարավետ և տոնական:

 Հալկիդիկի թերակղզին առաջարկում է անմոռանալի հանգիստ ջրային սպորտաձևերի սիրահարների, ալպինիզմի, արշավների և ձկնորսության անհամար տարբերակներով:  

 Հալկիդիկին հայտնի է իր լողափերով, մասնավորապես՝ Պարադիսոս, Կավուրոտրիպես, Լինարակի, Տրիստինիկա, Մարաֆիաս, Կալիմիտսի, Կրիարիտսի, Ագիոս Իոաննիս, Ագիոս 

 Մամաս, Աֆիտոս, Գլարոկամբոս, Կերա Մարիա, Կրիոպիգի, Մոլա Կալիվա, Պեֆկոհորի, Դրիստինիկաս, Ֆուրկա, Պորտո Կուֆոս, Իերիսոս, Կալիֆեյա, Նեոս Մարմարաս, Օլիմպիադա, Ուրանուպոլի, Պոլիհրոնո, Պոսիդի և Հանիոտիա: Հունաստանում հանգստի գլխավոր դժվարությունն է կողմնորոշվել, թե Հալկիդիկիի որ լողափն է համարվում լավագույնը: Ինչպե՞ս կատարել ընտրություն մեկուսացված հիանալի Կավուրոտրիպես և աներևակայելի Տրիստինիկայի միջև: Կամ Ակտի Կալոգրիյասը Պոլիհրոնոյում, որտեղ լողափերը ավազապատ են, անվերջանալի և էկզոտիկ:

 Հալկիդիկիում հանգիստը պարտադիր կերպով կհիշվի իր մաքրամաքուր ջրի և սոճու փարթամ անտառների շնորհիվ: Այստեղ հանգիստը բավարարում է անգամ ամենապահանջկոտ հյուրին իր հիանալի ենթակառուցվածքներով, զվարճանքի բազմաթիվ տեսակներով, գիշերային կյանքով և հոյակապ լողափերով:
 

✈️ Առաջարկում ենք չարտերային չվերթի ավիատոմսերով տուրեր դեպի Հալկիդիկի . Երևան - Հալկիդիկի ավիատոմսեր

Կրետե Crete

Կրետեն հունական ամենախոշոր կղզին է, Զևսի հայրենիքը և Միջերկրական ծովի զբոսաշրջային կենտրոնը: Արշիպելագի ամենահարավային կղզին շրջապատված է երեք ծովերով՝ Էգեյան, Լիբիական և Հոնիական:
Արդեն հանգստի առաջին օրն այս կղզում ձեզ կգրավի հանդարտության և ներդաշնակության մթնոլորտը:

Տեղի ենթակառուցվածքի լայն բազմազանության շնորհիվ յուրաքանչյուրը կարող է գտնել իր նախընտրած զվարճանքը: Կարևոր չէ, թե ինչքան գումար ունեք. Կրետեում կարելի է տեղակայվել և´ շքեղ հյուրանոցում, և´ քեմպինգում:

Կրետե կղզին զբաղեցնում է 8335 քկմ տարածք: Չնայած զբոսաշրջային հիմնական ինդուստրիան տեղակայված է հյուսիսային ափագծում, կղզու հարավային կողմում միայնակ հանգստի սիրահարները կկարողանան վայելել ոչ մարդաշատ, հանգիստ լողափերը:

Կրետե ուղևորվելու ժամանակ դուք հաճելիորեն կզարմանաք. կղզու բնիկները միշտ պահում են իրենց խոսքը, իսկ սպասարկող անձնակազմը մեծ ուշադրությամբ է վերաբերվում իր պարտականություններին և զբոսաշրջիկների խնդրանքներին:

Զբոսաշրջիկներին հետաքրքրող տեղեկատվությունից կարելի է ներկայացնել ամենակարևորները.
1. Բենզալիցքավորման կայանների մեծամասնությունը աշխատում է մինչև 21:00-22:00-ն: Սակայն կարելի է գտնել բենզալիցքավորման մի քանի կայաններ, որոնք աշխատում են ամբողջ օրը:
2. Տեղի բանկերն աշխատում են 08:00-ից 14:00-ն (երկուշաբթի-ուրբաթ):
3. Տուրիստական թաղամասերում խանութների աշխատանքային ժամանակն է 08:00-22:00:
4. Ծորակից ջուր խմել խորհուրդ չի տրվում: Ջուրը շշերով գնեք խանութներից:
5.Ինտերնետ-բարում մեկ ժամվա արժեքն է 2 եվրո:

Կրետեի ողջ տարածքում տիրում է միջերկրածովյան մեղմ կլիման: Սա նշանակում է, որ ձմեռն այստեղ անձրևոտ է, իսկ ամառը՝ չոր և տաք: Չնայած կան տարբերություններ լողափնյա և լեռնային հատվածներում:

Ամառային հանգիստը պլանավորելիս պարտադիր ձեր ծրագրի մեջ ներառեք էքսկուրսիաներ, որոնք Կրետեում կարող են լինել ամենաբազմազանը:
Կրետեի ամենահայտնի տեսարժան վայրերի ցանկում կարելի է առանձնացնել հետևյալ վայրերը.
• Ագիա Տրիադայի և Հոուվերնետոյի վանական համալիրները, որոնք գտնվում են Ակրոտիրի-Հանյա թերակղզու վրա: Սա հին ճարտարապետության իրական հուշարձաններ են, որոնք կառուցվել են Վերածծնդի դարաշրջանի ոճով և կարողացել են պահպանել իրենց սկզբնական տեսքը:
• Արջերի քարանձավը ստացել է իր անվանումը դրա մեջ գտնվող ստալագմիտներից ստացված տեսքի շնորհիվ: Համարվում է, որ ժամանակին այս վայրը նվիրվել է Արտեմիսի պաշտամունքին:
• Հերակլիոնի ( Heraklion ) հնէաբանական թանգարանը պարունակում է հնէաբանների անգին գտածոներ: Այսպես, օրինակ, այստեղ կարելի է վայելել մինոյան քաղաքակրթության ժամանակների արտեֆակտերի հավաքածուն:
• Եթե դուք հնագիտական պեղումների իրական սիրահար եք, ապա արժե այցելել Հորտինա բնակավայրը: Այստեղ բացվել է թանգարան բաց երկնքի տակ, որտեղ ներկայացված են հին կառույցների փլատակները (մ.թ.ա. 9-րդ դար):
• Կրետեի հրաշագեղ դղյակները կղզու ևս մեկ արժանիքն են:

Զվարճանքի ամենահայտնի վայրերի ցանկում բազմաթիվ ակվարիումներն են: Նրանց այցելուները կարող են սուզվել ստորջրյա էակների հեքիաթային աշխարհ, հետևել գունագեղ ձկներին, դիտել շնաձկներին և նրանց կերակրմանը, ինչպես նաև համատեղ լուսանկարվել օձերի, սողունների հետ:

Եթե պլանավորել եք Կրետեում հանգստանալ երեխաների հետ, ապա անշուշտ պետք է այցելեք ջրաշխարհներից մեկը: Այստեղ կգտնեք բազմաթիվ ատրակցիոններ և լողավազաններ, խաղահրապարակներ, արևային լոգանքի հարթակներ և այլն:

Գիշերային բուռն երեկույթների սիրահարներին խորհուրդ է տրվում ուղևորվել կրետեական կուրորտներից մեկը, որոնք արժանի են գիշերային կյանքի Մեքքա անվանմանը: Դրանք են Հերսոնիսսոսը և Մալիյան:

Զբոսաշրջիկների մեծամասնությունը Հունաստան են այցելում, որ տաք ավազի վրա վայելեն արևի ճառագայթները: Այսպիսի վայրերը կղզում շատ են, այնպես որ ընտրությունը մեծ է:
Կրետեի ամենահայտնի լողափը Էլաֆոնիսին է (Elafonisi): Այն գտնվում է հարավ-արևմտյան ափագծում, իսկ նրա ավազը արտասովոր վարդագույն է: Նշենք, որ այստեղ խորությունը շատ փոքր է, այնպես որ սկսնակ լողացողները կարող են հանգիստ լինել: Ինչ վերաբերում է ենթակառուցվածքներին, ապա լողափում կան զգեստափոխվելու սենյակներ, հովանոցներ, ինչպես նաև համեղ մենյուով բար:

Արևելյան ափագծում հանգստացող զբոսաշրջիկները նախապատվությունը տալիս են Վայ լողափին (Vai bay): Լողափի մոտերքում է տեղակայված արմավենիների անտառը, որտեղ կարելի է ոտքով զբոսնել: Այս վայրի հիանալի առանձնահատկությունն է ձյունաճերմակ ավազը:
 

✈️ Առաջարկում ենք չարտերային չվերթի ավիատոմսերով տուրեր դեպի Կրետե . Երևան - Հերակլիոն ավիատոմսեր

Հռոդոս / Ռոդոս

Ռոդոսը Հունաստանի ( Hunastan ) ամենամեծ և ամենից պտղաբեր կղզիներից մեկն է: Այն նաև ամենաայցելվող կղզիներից մեկն է շնորհիվ այն բանի, որ այստեղ յուրաքանչյուր զբոսաշրջիկ կարող է ինչ-որ բան գտնել իր նախընտրությամբ:

Կղզին ողողվում է թափանցիկ ծովով և զբոսաշրջիկներին տալիս է ծովային թարմ սառնություն, գեղատեսիլ լողափեր՝ իրական դրախտային անկյուններ թաքնված հետաքրքրասեր աչքերից: Շքեղ և տարօրինակ խոտածածկ, սողացող փարթամ ծառեր. Ռոդոս կղզին անհավանականորեն հարուստ է բնության ապշեցուցիչ ստեղծագործություններով: Անգնահատելի հնէաբանական գտածոներ, մշակութային հարուստ ժառանգություն և ամբողջ կղզով ցրված անհավանական հին արտեֆակտներ. էլ ի՞նչը կարող է լինել առավել գրավիչ և հետաքրքիր: Կղզին ( Hrodos ) իրենից ներկայացնում է հսկայական արժեք ամբողջ աշխարհի համար:

Հռոդոս կղզում կլիման տիպիկ միջերկրածովյան է: Տոթ օրերին թարմություն և սառնություն են բերում ծովային հյուսիսային քամիները: Արևն այս շրջանում մարդկանց տաքացնում է տարվա մեծ ժամանակահատվածում: Ձմեռը Ռոդոսում տաք է, օդի ջերմաստիճանը գրեթե երբեք չի հատում բացասական սահմանը: Ձյուն տեղում է շատ հազվադեպ, ավելի հաճախ այն փոխարինվում է անրձևով: Տաք արև, ծովային բրիզ, տաք ջուր և կիլոմետրերով ձգվող ավազե լողափեր՝ հիանալի համադրություն հանգստի համար:

Ինչ կարելի է դիտել Հռոդոսում:
Անպայման այցելեք Լինդոս քաղաք: Հին Լինդոսը իրական զմրուխտ է տեսարժան վայրերի գանձարանում: Անտիկ աշխարհի փլատակները այստեղ ձևավորում են մեկ ընդհանրություն ժամանակակից կառույցների հետ մեկտեղ, իսկ ավազե լողափերը՝ հնագիտական գտածոների անգնահատելի վայրերի հետ: Լինդոսում զբոսանքը պետք է սկսվի Պանայիյա եկեղեցուց, որում ակնհայտորեն զգացվում է բյուզանդական հնությունների շունչը: Լինդոսում ավելի հետաքրքիր է Աթենասին նվիրված տաճարի միջնաբերդը, որից ոչ մեծ հեռավորության վրա հիացմունք է առաջացնում իրական ասպետական ամրոցը հելլենիստական արտասովոր նավահանգստով:
Ռոդոս կղզին անհավանական հարուստ է հնագույն տեսարժան վայրերով: Ճանապարհորդների ուշադրությունը գրավում են բոլոր հնարավոր ամրոցները, որոնցից է Մոնոլիտոսի ամրոցը: Ցնցող տեսարաններ, հրաշագեղ հովիտներ, լեռնային մաքուր օդ և փշատերև բույսեր՝ ամրոցի շրջակայքը ամրոցից պակաս գրավիչ չէ:

Հունաստանի Ռոդոս կղզում հանգիստը այնքան գրավիչ և բազմաբնույթ է, որ սրտի ուզած զբաղմունքը կգտնի յուրաքանչյուր ոք: Ռոդոսում կուրորտները անթիվ են, նրանցից յուրաքանչյուրն անհավանականորեն հրաշալի են:

Ռոդոսի լողափերի մեծ մասը ոչ թե ավազե է, այլ խճապատ, սակայն նրանք մաքուր են, գեղեցիկ և հիանալի համապատասխանում են լողալու համար, այդ թվում` երեխաների հետ:
 

✈️ Առաջարկում ենք չարտերային չվերթի ավիատոմսերով տուրեր դեպի Հռոդոս . Երևան - Հռոդոս ավիատոմսեր

Սանտորինի Santorini

Սանտորինին ( Հունաստան ) հինգ կղզիներից բաղկացած արշիպելագ է՝ Սանտորինի կամ Ֆիրա (ամենամեծ և գլխավոր կղզին), Թերասիա, Ասպրոնիսի, Պալեա-Կամենի և Նեա-Կամենի: Մոտավորապես 3500 տարի առաջ հրաբխային ժայթքման արդյունքում Էգեյան ծովում ձևավորվել է Սանտորինիի արշիպելագը:

Սանտորինին երկրագնդի ամենառոմանտիկ վայրերից մեկն է: Նրա տարբերակող առանձնահատկությունը երկրաբանական կառուցվածքն է, որը պայմանավորված է հանգած հրաբխի գործունեությամբ: Այն ունի ընդհատվող ափագիծ արևմուտքում և անթիվ (մանրախիճ և ավազե) լողափեր արևելյան ափին: Դուք կարող եք զբոսնել ոտքով կամ փոքրիկ իշուկով կամ օգտվել ճոպանուղուց:
Սանտորինիի Ֆերա ադմինիստրատիվ կենտրոնը բավականին գեղատեսիլ է: Այստեղ հեշտ է մոլորվելը՝ հայտնվելով փողոցների, թաղամասերի և կամարների խաչմերուկում: Պատմությունը և մշակույթը գնահատողներին խորհուրդ է տրվում անմիջապես այցելել տեղի թանգարանները.
• Հնէաբանական թանգարան, որն ունի տարբեր դարաշրջանների քանդակների և դիմանկարների մեծ հավաքածու:
• Ֆերայի նախապատմական թանգարան, որում ներկայացված են Ակրոտիայի պեղումներից հայտնաբերված իրերը, որոնք թվագրվում են ուշ նեոլիթյան ժամանակաշրջանով և բաժանված են թեմատիկ հատվածների:
Սակայն հնէաբանական ամենամեծ հետաքրքրությունն առաջացնում է Հին Ֆերան: Այս քաղաքը ժամանակին եղել է փյունիկեցիների, հռոմեացիների և բյուզանդացիների ապաստարանը: Քաղաքը շրջապատված է լեռներով, որոնց վրա Ապոլոնի լեզվով փորագրված են տղամարդկանց անուններ:

Մայիսին Սանտորինիի եղանակը թույլ է տալիս բացել լողափնյա սեզոնը: Այդ ժամանակ կղզի են ժամանում տարբեր զբոսաշրջիկներ երկրներից, քանզի օդի ջերմաստիճանը ստվերում գերազանցում է 24-25 աստիճանը: Լողարփերը չեն դատարկվում մինչև նոյեմբեր ամիսը, երբ ցրտում է և սկսվում են անձրևները:

Սանտորինիում մեծ ուշադրություն է դարձվում ենթակառուցվածքների զարգացմանը: Այստեղ դուք կգտնեք տեղի խոհանոցով անհամար քանակությամբ տարբեր ռեստորաններ և սրճարաններ, բարձր երաժշտությամբ գիշերային ակումբներ, սպորտային կենտրոններ սերֆինգի հնարավորությամբ:

Շատ հաճախ կղզի են այցելում նորապսակներ, ովքեր երազում են անմոռանալի մեղրամսի մասին: Քիչ քանակություն չեն կազմում և ամուսնությունները Սանտորինիում, չէ որ արարողության վայրն ընտրելը բավականին հեշտ է. կղզու գրեթե յուրաքանչյուր անկյուն լցված է նրբությամբ և ռոմանտիզմով: Այսպես, օրինակ, հարսանիքի ժամանակ դուք կարող եք զմայլվել ծովի գեղեցիկ տեսարանով կամ անգամ հանգած հրաբխով:

Սանտորինի զարմանահրաշ կղզին փառաբանվում է ոչ միայն իր գեղեցիկ բնությամբ: Չի կարելի բաց թողնել այս վայրի յուրաքանչյուր անկյունը ուսումնասիրելու և Սանտորինիի տեսարժան վայրերը դիտելու հնարավորությունը:
Իր անկրկնելի ոճով զբոսաշրջիկներին հիացնում է Իա գյուղակը, որը գտնվում է Ֆիրայից 11 կմ հեռավորության վրա: Միայն այստեղ կարելի է հիանալ ժայռերի մեջ փորված տների (սպիտակ և երկնագույն), նեոկլասիկ ոճով կառուցված ապարանքների, հարթ և հարմարավետ փողոցների և բակերի, ինչպես նաև ծովի տեսարանի ավանդական գեղեցկությամբ:
Ավելորդ չի լինի նաև «Ատլանտիս» սուզանավով էքսկուրսիան, որը ձեր առաջ է բացում ծովի հատակի հեքիաթային աշխարհը:

Մշակույթի յուրահատուկ հուշարձաններ, էլեգանտ ճարտարապետություն և զարմանահրաշ բնապատկերներ. ահա թե ինչն է գրավում բազմաթիվ զբոսաշրջիկների: Զարգացած ենթակառուցվածքն էլ կղզում հանգիստը դարձնում է անմոռանալի:

Գինեգործությունը համարվում է Սանտորինիի բնակիչների ամենասիրելի զբաղմունքներից մեկը: Ահա արդեն 3500 տարի այստեղ ստանում են զարմանալի խաղող, որի անկրկնելի համը պայմանավորված է տեղումների բացակայությամբ և հրաբխային հողի առկայությամբ: Սանտորինիում աճում է խաղողի յուրահատուկ տեսակ՝ ասիրտիկո, որից ստացվում է հիանալի գինի:

Սանտորինիի լողափերը "ապացուցում են", որ ավազը կարող է լինել ոչ միայն դեղին գույնի: Շնորհիվ այն բանի, որ կղզին սերտորեն կապված է հանգած հրաբխի պատմության հետ, Սանտորինին ունի անկրկնելի ռելիեֆ և ամենատարբեր երանգների լողափեր՝ սպիտակ, սև և կարմիր:
Սանտորինիի լողափերի ցանկում գլխավոր ուշադրությունը դարձվում է երկուսին.
• Կամարի, որը գտնվում է Հին Տիրայից մի փոքր ներքև: Այստեղ դուք կգտնեք սև հրաբխային ավազի և մուգ մանր խճավազի խառնուրդ: Քանի որ զբոսաշրջիկներն այս շրջանում շատ են, այդ պատճառով Կամարի երկայնքով կառուցված են բարեր, խանութներ, հյուրանոցներ:
• Պերիսսան գտնվում է Mesa Vouno լեռան հակառակ կողմում: Այստեղ մթնոլորտը տրամադրում է հանդարտ հանգիստ ընտանիքի կամ մոտ ընկերների շրջանում: Ջրի մուտքը շատ հարմարավետ է, իսկ լեռները քամուց պահպանում են 8 կմ-անոց առափնյա գիծը:

Սանտորինին ( Hunastan ) արդեն երկար ժամանակ համարվում է աշխարհի լավագույն 5 կղզիներից մեկը: Հետո են գալիս այնպիսի հայտնի վայրեր, ինչպիսիք են Բալին Ինդոնեզիայում, Քեյփ-Բրետոնը Կանադայում, Բորակայի կղզիները Ֆիլիպիններում և Մեծ Բարիերային խութը Ավստրալիայում:
 

✈️ Առաջարկում ենք տուր փաթեթներ Սանտորինի

Կորֆու Corfu

Կորֆուն Հոնիական ամենահյուսիսային կղզին է: Մի կողմից դա նշանակում է, որ այստեղ ավելի ցուրտ է, քան, օրինակ, Ռոդոսում կամ, առավել ևս, Կրետեում: Մյուս կողմից, շնորհիվ հենց դրա Կորֆուն ստացել է զմրուխտե կղզի մականունը: Բերրիությունը և կենսուրախ հյուրընկալությունը այս վայրերում հիացնում է:
Հունական կղզու նարնջի այգիները վաղ գարնանը գրավում են իրենց բույրով, ձիթապտղի պտղաբեր ծառերը խոստանում են զարմանահրաշ ամառային զով, իսկ հունական հանրահայտ գինին ուրախացնում է իր համով անգամ ամենանրբաճաշակ զբոսաշրջիկին:

Կորֆուն փորքիկ դրախտ է Միջերկրական ծովի հենց կենտրոնում: Կղզում շատ են ավազե և խճապատ լողափերը, որոնք ձգվում են 200 կիլոմետրանոց ափագծով: Եվ պետք է նշել, որ այստեղ հանգստացողները լողափին պառկելուց բացի, միշտ կգտնեն որևէ զբաղմունք: Նրանց սպասվում են ջրային դահուկներ, ջրային մոտոցիկլետ, օդապարիկներ, կանոե, լողափային վոլեյբոլ, ստորջրյա լող և առագաստանավերով զբոսանք:

Ամառային ամիսներին օդի ջերմաստիճանը բարձրանում է մինչև 29-31 աստիճան, ինչը իդեալական է ամառային հանգստի համար: Ջրի ջերմաստիճանն էլ այստեղ ամառային ամիսներին հասնում է 22-25 աստիճանի:

Միջերկրածովյան արևով տաքացած կղզու հարուստ պատմությունը նրան գրավիչ է դարձնում ոչ միայն պասիվ լողափային հանգստի համար, այլև երկրագնդի մշակութային ժառանգությունների հետ ծանոթանալու համար: 2007թ.-ին Կորֆուն ընդգրկվել է ՅՈւՆԵՍԿՕ-ի ժառանգության օբյեկտների ցանկում: 
Արևմուտքում ջուրը սառն է, սակայն գեղեցիկ ափագիծը ուրախացնում է ոչ միայն գեղեցիկ տեսարանով, այլև գրավում է դայվինգի սիրահարներին: Կորֆուի հարավային լողափերը հիանալի համապատասխանում են զբոսանքի համար: Ավազե լայն ափագիծը կտեղավորի բոլոր ցանկացողներին: Կորֆուում յուրաքանչյուր ոք կգտնի իր նախընտրած կուրորտը:

Կորֆուն հենց առաջին րոպեներից գրավում է իր տեսքով. դեռևս ինքնաթիռի միջից կղզին գրավում է իր զմրուխտե գույնով: Փիրուզե ծովով շրջապատված լինելով՝ "կանաչ քաղաքակրթության բնօրրանը" թողնում է անմոռանալի տպավորություն: Նարնջի ծաղկող այգիներ, ձիթապտղի ծառեր՝ ամբողջ Կորֆուն կարծես մեկ մեծ պլանտացիա լինի:

Կորֆուում հանգիստը տարբերվում է արտասովոր բազմազանությամբ: Ակտիվ հանգստի սիրահարների համար հաճելի կլինի ծանոթանալ առաջարկվող ծառայությունների հետ՝ դայվինգ, ջրային դահուկներ, դելտապլաներիզմ և այլն:
 

✈️ Առաջարկում ենք տուր փաթեթներ Կորֆու

Թասոս ( Thassos ) և այլ կղզիներ

Թասոսի հարուստ բուսականությունը իրավունք է տալիս այն անվանել Էգեյան ծովի ամենականաչ կղզին: Ձիթենի, սոճի, մայրի, եղևնի, լորենի, մայրենի և ծառերի ու թփերի այլ տեսակներ կարելի է գտնել գագաթամերձ հատվածում:

Կանաչ բլուրները, սպիտակ ավազոտ լողափերը, փոքր ջրվեժները անտառապատ խորություններում, մարմարե ժայռերը և ամենամաքուր ծովը կգերեն կղզու այցելուներին: Այստեղ գերադասում են հանգստանալ բնության, հանգստության և հնության սիրահարները:

Իր գեղեցկությունների շնորհիվ Թասոսն անվանում են «զմրուխտե կղզի», «Էգեյան ծովի կանաչ ադամանդ» և անգամ` «մարմարյա կղզի», քանզի լեռներն իսկապես կազմված են սպիտակ մարմարից, որն արտահանվում է Հունաստանից:

Թասոսն առաջին հերթին իրենից ներկայացնում է լողափային հանգիստ:

Միկոնոս, Զակինթոս, Նակսոս, Պատմոս կղզիները նույնքան հմայիչ են, որքան արդեն մեզ ծանոթ հունական մեծ կղզիները: Այս կղզիներից յուրաքանչյուրը գերում է յուրովի. մեկն՝ իր կանաչ ու փարթամ բուսականությամբ, մյուսը՝ իր ճերմակ, հեքիաթային տնակներով ու ոլոր-մոլոր, նեղլիկ փողոցներով, մեկն՝ իր ամենօրյա գերակտիվությամբ, մյուսը՝ խաղաղությամբ, կարծես այստեղ մարդ երբեք ոտք չի դրել:

Մեր ընկերությունն առաջարկում է տուր փաթեթներ հունական բոլոր կղզիներով, ավիատոմսեր Հունաստան և էքսկուրսիաներ Հունաստանում:
 

✈️ Առաջարկում ենք տուր փաթեթներ Թասոս, Միկոնոս, Զակինթոս, Նակսոս, Պատմոս և հունական այլ կղզիներով:

Երևան-Աթենք ավիատոմսեր / Թբիլիսի-Աթենք

Երևան-Աթենք-Երևան չվերթներ

Կանոնավոր ուղիղ թռիչքներ են իրականացվում դեպի Աթենք: Առաջարկում ենք Երևան Աթենք ավիատոմսեր և Թբիլիսի Աթենք ավիատոմսերի ամրագրում (Tbilisi Hunastan):

Երևան-Աթենք-Երևան չվերթներն իրականացնում է "Էգեյան ավիաուղիներ" ավիաընկերությունը:

Երևանից չվերթերի օրերի և ժամերի վերաբերյալ մանրամասն տեղեկատվություն կարող եք ստանալ մեր մենեջերներից` գրասենյակ զանգահարելով:
Ավիատոմսերի գները ճշտել կարող եք 575 675 հեռախոսահամարով յուրաքանչյուր աշխատանքային օր ժ. 11:00-ից 19:00: ՈՒՇԱԴՐՈՒԹՅՈՒՆ. Երևան-Աթենք ավիատոմսի գինը նվազում է վաղ ամրագրման դեպքում:

Չարտերային չվերթեր

Գործում են դեպի Հունաստան չարտերային չվերթներ:

Առաջարկում ենք ավիատոմսեր հետևյալ չարտերային ուղղություններով.

Երևան-Սալոնիկ-Երևան
Երևան-Կրետե-Երևան ( Երևան-Հերակլիոն-Երևան )
Երևան-Հալկիդիկի-Երևան
Երևան-Հռոդոս-Երևան
Թբիլիսի-Հալկիդիկի-Թբիլիսի
Թբիլիսի-Սալոնիկ-Կրետե-Սալոնիկ-Թբիլիսի

Չվերթերի օրերի և ժամերի վերաբերյալ տեղեկատվություն կարող եք ստանալ մենեջերներից` մեր գրասենյակ զանգահարելով:
Ավիատոմսերի գները կարող եք ճշտել 575 675 հեռախոսահամարով աշխատանքային օրերին ժ. 11:00-ից 19:00: ՈՒՇԱԴՐՈՒԹՅՈՒՆ. Ավիատոմսի գինը նվազում է վաղ ամրագրման դեպքում: